Aksident i tmerrshëm në Austri, treni godet kamionin nga Kroacia

Sipas mediave kroate, në aksident është përfshirë një kamion me targa të Varazhdinit. Pas përplasjes, të dy automjetet u përfshinë nga flakët dhe disa persona u plagosën.

Katër persona mbetën të plagosur në aksidentin e tmerrshëm, njëri prej të cilëve në gjendje të rëndë. Zjarrfikësit shuan zjarrin, siguruan vendin e aksidentit, evakuuan pasagjerët nga treni , ofruan ndihmën e parë dhe ndihmuan shërbimet e emergjencës.

Pasagjeri i plagosur rëndë është transportuar në spital me helikopter. Zëdhënësi i zjarrfikësve, Weitz, tha se një katastrofë e vërtetë u shmang për pak.

Sipas faqes së internetit GPMaljevac, aksidenti ndodhi në një kalim hekurudhor të pasiguruar, dhe sipas informacionit të publikuar nga mediat austriake dhe të konfirmuar nga policia lokale, kamioni drejtohej nga një shtetas 36-vjeçar nepalez.

Sipas rezultateve fillestare të hetimit, shoferi i kamionit dyshohet se nuk e vuri re dritën e kuqe në kryqëzim dhe kaloi shinat pak para se të mbërrinte treni. Përplasja e dhunshme shkaktoi shpërthimin e rezervuarit të karburantit të kamionit, duke shkaktuar një zjarr që u përhap në tren. Të dy automjetet u përfshinë menjëherë nga flakët.

Shoferi i kamionit arriti të dilte nga automjeti përpara se zjarri ta përfshiu plotësisht, por pësoi lëndime të rënda. Në momentin e aksidentit në tren ndodheshin tetë pasagjerë.

Për shkak të aksidentit, trafiku hekurudhor në këtë itinerar u ndërpre për një kohë.

MARKETING