Afat shtesë për studentët për racion ushqimor të subvencionuar, fillon prej sot

Për studentët që kanë humbur afatin e aplikimit për ushtrimin e të drejtës për ushqim të subvencionuar për studentë (nga 1 deri më 5 nëntor), Ministria e Arsimit dhe Shkencës ofron afat shtesë aplikimi, duke filluar nga sot deri më 16 nëntor 2025.

Ministria e Arsimit dhe Shkencës njoftoi se kandidatët duhet të aplikojnë elektronikisht në linkun https://e-uslugi.mon.gov.mk/ dhe kur të aplikojnë, të plotësojnë formularët Kërkesë për Fitim të së Drejtës për Ushqim të Subvencionuar për Studentë dhe Deklaratë për saktësinë e të dhënave të vendosura në kërkesën për fitim të së drejtës për ushqim të subvencionuar për studentë, të cilat do t’i nënshkruajnë dhe do t’i bashkëngjisin aplikimit elektronik.

“Të gjithë studentët që kanë ushtruar të drejtën për ushqim të studentëve do të fillojnë të marrin fondet në muajin pas fundit të muajit në të cilin kanë aplikuar për të drejtën për ushqim të studentëve. Për të gjitha pyetjet që lidhen me regjistrimin e përfituesve për ushqim të subvencionuar për studentë, Ministria e Arsimit dhe Shkencës ka ofruar mbështetje përmes Sektorit për Standardet e Nxënësve dhe Studentëve, në kontaktin [email protected]“, thuhet në njoftimin e MASH-it.

MARKETING