Presidenti turk Erdogan do të mbajë fjalim në Asamblenë e Përgjithshme të OKB-së

Presidenti turk Recep Tayyip Erdogan të martën do t’i drejtohet debatit të Përgjithshëm të nivelit të lartë të sesionit të 81-të të Asamblesë së Përgjithshme të OKB-së, raporton Anadolu

Krerët e shteteve dhe qeverive të vendeve anëtare do të marrin fjalën përpara sfondit të praruar të sallës së Asamblesë për të paraqitur prioritetet e tyre para një audience globale.

Brazili ka qenë vendi i parë anëtar që merr fjalën në Debatin e Përgjithshëm që nga sesioni i 10-të i Asamblesë së Përgjithshme në vitin 1955, me përjashtim të viteve 1983 dhe 1984.

Pas Brazilit, fjalën do ta marrë vendi pritës, SHBA-ja.

Erdogan do të jetë folësi i katërt në ditën e parë, pas Jordanisë.

Fjala e tij do të shënojë paraqitjen e tij të 16-të para Asamblesë së Përgjithshme.

Fokusi kryesor i fjalimit të tij pritet të jetë te veprimet e Izraelit në Rripin e Gazës, nevoja për njohjen e Palestinës si shtet dhe masat e mundshme ndërkombëtare kundër Izraelit.

Gjatë vizitës së tij në Nju Jork, Erdogan do të zhvillojë takime dypalëshe me Sekretarin e Përgjithshëm të OKB-së, Antonio Guterres, si dhe me krerë shtetesh dhe qeverish të vendeve të ndryshme.

Erdogan pritet gjithashtu të marrë pjesë në një sërë aktivitetesh me përfaqësues të shtetasve turq që jetojnë në SHBA, anëtarë të komunitetit turko-amerikan të biznesit dhe përfaqësues të instituteve të mendimit.

Të mërkurën, ai do të mbajë një fjalim në Samitin për Klimën të Sekretarit të Përgjithshëm të OKB-së.

Në nëntor, Turqia pritet të presë Samitin vjetor të OKB-së për Ndryshimet Klimatike, të njohur si COP31, në qytetin mesdhetar Antalya.

MARKETING