Parlamenti hungarez zgjedh ish-kreun e Gjykatës Supreme si president të vendit

Asambleja Kombëtare e Hungarisë zgjodhi ish-kreun e Gjykatës Supreme, Andras Baka, si president të vendit, raportoi gazeta Magyar Nemzet, transmeton Anadolu.

MARKETING

Baka u zgjodh presidenti i ri i Hungarisë me 140 vota, duke siguruar shumicën në Asamblenë Kombëtare.

Thuhet se Baka u shkarkua nga detyra nga qeveria e Fideszit në vitin 2011, kur Gjykata Supreme u shfuqizua.

Ish-presidenti Tamas Sulyok nënshkroi në korrik një ndryshim kushtetues që i dha fund mandatit të tij, pas presionit nga kryeministri Peter Magyar dhe parlamenti.

Magyar, Partia Tisza e të cilit ka shumicën prej dy të tretash në parlament, premtoi gjatë fushatës zgjedhore se do ta zëvendësonte Sulyokun dhe do të vendoste zgjedhje të drejtpërdrejta presidenciale.

Pas fitores në zgjedhje, Magyar i bëri vazhdimisht thirrje Sulyokut dhe disa zyrtarëve të tjerë të lartë të lidhur me administratën e mëparshme që të jepnin dorëheqjen.

MARKETING