Media amerikane: Oficeri i plagosur gjatë darkës së gazetarëve të Shtëpisë së Bardhë nuk u godit nga “zjarri miqësor”

Plumbi që goditi një oficer të Shërbimit Sekret të SHBA-së gjatë të shtënave të së shtunës jashtë sallës ku po mbahej darka e gazetarëve të Shtëpisë së Bardhë nuk u qëllua nga një oficer tjetër, raportoi CBS News të mërkurën, duke cituar burime të zbatimit të ligjit, transmeton Anadolu.

Hetues nga Departamenti i Drejtësisë që punojnë së bashku me Byronë për Alkoolin, Duhanin, Armët e Zjarrit dhe Eksplozivët, kanë arritur deri tani në përfundimin se i dyshuari 31-vjeçari Cole Allen ka shkrepur armën e tij.

Më herët, një burim tha se gjithsej gjashtë të shtëna janë shkrepur kur i dyshuari u vërsul drejt një pike kontrolli sigurie në hotelin Hilton në Washington, një prej tij dhe pesë nga oficeri i Shërbimit Sekret që u godit ndërsa mbante jelek antiplumb.

Burime të tjera thanë se plumbi që goditi agjentin ka të ngjarë të ketë goditur një telefon celular të vendosur në xhepin e jelekut të tij, duke parandaluar lëndim serioz.

Zyrtarët thanë se Allen nga Torrance e Kalifornisë u rrëzua gjatë incidentit dhe u arrestua në vendngjarje pa u plagosur. Ai tashmë është akuzuar për tentativë për vrasjen e presidentit, përdorim të armës gjatë një krimi të dhunshëm, kryerje të një vepre të dhunshme dhe transportim të armës ndërmjet shteteve me qëllim kryerjen e një krimi.

Ai doli për herë të parë para gjykatës federale të hënën, por nuk bëri deklarim për fajësinë.

MARKETING