SHBA, dy të vrarë dhe pesë të plagosur nga të shtënat në Karolinën e Veriut

Dy adoleshentë u vranë të hënën dhe pesë të tjerë u plagosën pasi një sherr u përshkallëzua në të shtëna me armë zjarri në një park publik pranë një shkolle të mesme në Winston-Salem në shtetin amerikan të Karolinës së Veriut, transmeton Anadolu.

Autoritetet u njoftuan për herë të parë për një sherr të hënën në mëngjes dhe ndërsa po shkonin në vendngjarje, morën përditësime se ishin qëlluar me armë zjarri dhe disa persona ishin goditur, tha kapiteni i policisë, Kevin Burns në një konferencë për media, sipas një lajmi nga CNN.

Oficerët gjetën 17-vjeçarin Erubey Romero Medina, në një parking aty pranë me një plagë nga arma e zjarrit. Më thellë brenda parkut, ata gjetën 16-vjeçarin Daniel Jimenez Millian, i cili ishte qëlluar gjithashtu. Të dy u shpallën të vdekur në vendngjarje.

Përveç viktimave, pesë adoleshentë të tjerë të moshës 14-19 vjeç u plagosën.

Zyrtarët nuk i bënë të ditura emrat e tyre, por thanë se grupi përfshinte katër vajza dhe një djalë.

Policia fillimisht nuk ka arrestuar asnjë të dyshuar dhe autoritetet thanë se hetimi është ende në vazhdim.

MARKETING