Ministri i Jashtëm turk zhvillon biseda telefonike me homologun nga Afrika e Jugut dhe atë nga Turkmenistani

Në telefonata të zhvilluara sot, ministri i Jashtëm i Turqisë Hakan Fidan dhe homologët e tij nga Afrika e Jugut dhe Turkmenistani diskutuan çështje me interes të përbashkët, transmeton Anadolu.

MARKETING

Sipas burimeve të Ministrisë së Jashtme të Turqisë, Fidan dhe ministri i Jashtëm i Afrikës së Jugut, Ronald Lamola, diskutuan ndikimin politik dhe ekonomik të luftës me Iranin mbi vendet që nuk janë palë në konflikt si dhe bisedimet e ardhshme të paqes në Pakistan, në kuadër të një armëpushimi për të lejuar negociatat për zgjidhjen e konfliktit.

SHBA-ja dhe Irani njoftuan të martën një armëpushim dyjavor, të ndërmjetësuar nga Pakistani, si një hap drejt një marrëveshjeje më të gjerë që synon përfundimin e konfliktit që filloi më 28 shkurt, kur SHBA-ja dhe Izraeli nisën sulme ndaj Iranit, duke vrarë dhe plagosur mijëra persona gjatë javëve që pasuan.

Në një telefonatë të veçantë, Fidan gjithashtu bisedoi me homologun e tij turkmen Rashid Meredov. Burimet thanë se dy zyrtarët diskutuan marrëdhëniet bilaterale dhe çështje rajonale.

MARKETING