Zelensky: Kemi disa ide se si ta përfundojmë luftën me Rusinë

Presidenti ukrainas, Volodymyr Zelensky ka deklaruar se ka perspektiva për një zgjidhje paqësore në luftën e Rusisë kundër Ukrainës.

Presidenti ukrainas e tha këtë në një intervistë me New York Post, raporton Ukrinform.

“Unë besoj se në këtë luftë të Rusisë kundër Ukrainës, ka perspektiva për një zgjidhje paqësore. Sigurisht që ka momente frustrimi, çështje të brendshme, ndërlikime të lidhura me luftën, të gjitha llojet e problemeve. Por megjithatë, duhet të kuptojmë një gjë: Ukraina dëshiron paqe, presidenti (Donald) Trump dëshiron paqe – që do të thotë se ne jemi aleatë në këtë çështje dhe nuk duhet të ketë dyshim për këtë. Ne duhet të ecim drejt këtij qëllimi”, tha Zelensky.

Ai theksoi se Ukraina dëshiron paqe shumë më tepër se Putin.

“Megjithatë, Putini bën gjithçka që të duket sikur ai dëshiron paqe dhe Ukraina jo. Këto janë sinjale që ai i dërgon Amerikës. Kjo nuk është e vërtetë; është manipulim. Dua shumë që SHBA-të të na besojnë, sepse ne jemi partnerët e tyre. Edhe kur nevojitej ndihmë në Lindjen e Mesme, ne iu përgjigjëm menjëherë kërkesës. Kjo është thelbi i të qenit aleatë”, ka thënë më tej presidenti ukrainas.

Ai theksoi se çdo ditë duhet të kërkohen mundësi për një marrëveshje paqeje.

MARKETING