Turqia dënon sulmin terrorist në Nigeri që vrau të paktën 170 persona

Turqia ka dënuar me forcë një sulm terrorist në shtetin Kwara të Nigerisë që rezultoi në humbjen e të paktën 170 jetëve, transmeton Anadolu.

“Jemi thellësisht të trishtuar nga humbja e jetëve të shkaktuara nga sulmi terrorist që ndodhi në shtetin Kwara të Nigerisë”, shkroi Ministria e Punëve të Jashtme e Turqisë në platformën sociale amerikane X.

Ministria turke u shprehu ngushëllime familjeve të viktimave dhe popullit të Nigerisë, duke riafirmuar solidaritetin e Turqisë me vendin.

“Turqia do të vazhdojë të mbështesë Nigerinë në luftën e saj kundër terrorizmit”, shtoi ajo.

Të martën, grupe të armatosura sulmuan shtetin Kwara në Nigeri, duke vrarë të paktën 170 persona.

Shteti Këara, veçanërisht komunitetet pranë zonave pyjore, në muajt e fundit ka përjetuar kërcënime në rritje të sigurisë të lidhura me banditizëm, rrëmbime dhe flukse të grupeve të armatosura që ikin nga operacionet ushtarake në shtetet fqinje veriperëndimore dhe veriore.

MARKETING