Putin fillon takimin me të dërguarit amerikanë Witkoff dhe Kushner për zgjidhjen e çështjes së Ukrainës

Presidenti rus, Vladimir Putin, ka filluar një takim në Kremlin me të dërguarit amerikanë Steve Witkoff dhe Jared Kushner, me qëllim gjetjen e një zgjidhje për t’i dhënë fund luftës në Ukrainë, transmeton Anadolu.

Duke hapur takimin, Putin shprehu shpresë se Witkoff dhe Kushner kishin pasur mundësinë të shohin Moskën paraprakisht.

Takimi po mbahet në një format të ngushtë, pasi pala amerikane përfaqësohet vetëm nga Witkoff dhe Kushner, ndërsa pala ruse, përveç Putinit, përfshin ndihmësin presidencial, Yury Ushakov dhe të dërguarin e posaçëm, Kirill Dmitriev.

Delegacioni amerikan pritet të paraqesë një plan të rishikuar të paqes që synon t’i japë fund luftimeve në Ukrainë që vazhdojnë që nga shkurti i vitit 2022.

MARKETING