BE uron Ramën dhe ministrat e rinj: Shqipëria mund të mbyllë negociatat brenda 2027

Delegacioni i Bashkimit Evropian në Shqipëri ka uruar këtë të hënë Kryeministrin Edi Rama dhe të gjithë ministrat e kabinetit të ri për marrjen e detyrës.

Në një njoftim të publikuar në faqen zyrtare të Delegacionit në Facebook, thuhet se Shqipëria ka mundësinë të arrijë objektivin ambicioz për të përfunduar negociatat e anëtarësimit në BE deri në fund të vitit 2027, raporton euronews albania.
“Urime Kryeministrit Edi Rama dhe të gjithë ministrave për marrjen e detyrës. Me një përpjekje të qëndrueshme për të miratuar dhe zbatuar reformat e nevojshme përmes proceseve transparente dhe gjithëpërfshirëse, Shqipëria mund të arrijë objektivin ambicioz për të mbyllur negociatat e anëtarësimit në BE deri në fund të vitit 2027. Në pritje për të punuar me të gjithë aktorët shqiptarë për të arritur këtë moment historik, në të mirë të qytetarëve shqiptarë,” – thuhet në deklaratë.

MARKETING