Izraeli kreu mbi 100 sulme ajrore ndaj Rripit të Gazës gjatë 24 orëve të fundit

Gjatë 24 orëve të fundit, Izraeli ka kryer mbi 100 sulme ajrore ndaj Rripit të Gazës, ku ka shkaktuar shkatërrime të mëdha dhe dramë humanitare me sulmet e tij intensive që nga 7 tetori 2023, transmeton Anadolu.

Në një deklaratë nga ushtria izraelite, e cila dje humbi 5 ushtarë në veri të Rripit të Gazës, thuhet se në rajon janë shkatërruar ndërtesa të shumta.

Deklarata pretendon se Brigada e 7-të në veri ka gjetur dhe shkatërruar eksplozivë dhe mina në një ndërtesë dhe se janë shkatërruar ndërtesat dhe një depo armësh për të cilat pretendohet se janë përdorur nga Hamasi.

Ndërsa vazhdojnë negociatat për armëpushim në Gaza, ushtria izraelite ka kryer më shumë se 100 sulme ajrore në Rripin e Gazës në 24 orët e fundit, duke pretenduar se disa tunele janë shkatërruar.

Ushtria izraelite, e njohur për sulmet e saj edhe ndaj tendave të civilëve në Rripin e Gazës, pretendon se sulmet ajrore kanë vënë në shënjestër ndërtesa të mbushura me bomba, depo armësh, platforma antitank dhe tunele.

– Sulmet e Izraelit ndaj Rripit të Gazës

Pas armëpushimit që hyri në fuqi më 19 janar në Rripin e Gazës, ushtria izraelite rifilloi sulmet e saj të dhunshme në mëngjesin e 18 marsit. Numri i palestinezëve të vrarë në sulmet e Izraelit në Rripin e Gazës që nga 7 tetori 2023, është rritur në 57.575 ndërsa numri i të plagosurve në 136.879.

Që nga 18 marsi kur ushtria izraelite shkeli armëpushimin 7.013 palestinezë janë vrarë dhe 24.838 të tjerë janë plagosur në sulmet e kryera ndaj Rripit të Gazës.

Është rritur në 766 numri i personave të vrarë dhe në 5.044 numri i të plagosurve si pasojë e sulmeve sistematike që synojnë palestinezët në zonat e shpërndarjes të krijuara që nga 27 maji nën maskën e ndihmës humanitare nga “Fondacioni Humanitar i Ndihmës për Gazën” i udhëhequr nga Izraeli dhe SHBA-ja.

Ushtria izraelite filloi zbatimin e një plani sulmi që do të zgjerojë dhe do ta bëjë të përhershëm pushtimin e Rripit të Gazës. Kryeministri izraelit Benjamin Netanyahu tha se ata do të pushtojnë të gjithë Rripin e Gazës.

MARKETING