UNRWA: Jeta e një milion fëmijëve në Gaza është e shënuar nga “lufta dhe shkatërrimi”

Agjencia e OKB-së për Refugjatët Palestinezë (UNRWA) ka deklaruar se jeta e fëmijëve, të cilët përbëjnë gjysmën e popullsisë në Rripin e Gazës, është e shënuar me luftën dhe shkatërrimin, transmeton Anadolu.

UNRWA bëri një deklaratë me shkrim në lidhje me situatën e fëmijëve në Gaza.

Në Gaza jetojnë afërsisht 1 milion fëmijë, thuhet në deklaratën ku theksohet se ajo që shënon jetën e këtyre fëmijëve është “lufta dhe shkatërrimi”.

Deklarata vë në dukje se fëmijët e kalojnë pjesën më të madhe të kohës së tyre jashtë shkollës, janë detyruar të zhvendosen disa herë dhe nuk kanë pothuajse asgjë për të ngrënë.

Ndër të tjera thekson rëndësinë e një armëpushimi për fëmijët në Rripin e Gazës dhe thuhet se kjo është thelbësore që rajoni të arrijë një të ardhme më të mirë.

Drejtori i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus në konferencën e tij javore për media në Gjenevë më 27 qershor tha se mesatarisht 112 fëmijë janë shtruar në spital çdo ditë në Gaza për trajtim të kequshqyerjes akute që nga fillimi i vitit.

MARKETING