Pekini: Tajvani nuk ka asnjë bazë, arsye apo të drejtë për t’u anëtarësuar në OKB

Zëdhënësja e Ministrisë së Jashtme të Kinës, Mao Ning tha se Tajvani nuk ka “asnjë bazë, arsye apo të drejtë” për t’u anëtarësuar në Kombet e Bashkuara (OKB) dhe organizata të tjera ndërkombëtare, transmeton Anadolu.

Sipas lajmit të gazetës “Global Times”, Mao deklaroi në një konferencë për media se “Tajvani është pjesë e pandashme e territorit kinez”.

Pasi theksoi se është “qeveria e vetme ligjore” që përfaqëson Kinën, Mao tha se Tajvani nuk ka “asnjë bazë, arsye apo të drejtë” për t’u anëtarësuar në OKB dhe organizata të tjera ndërkombëtare.

Tajvani, për të cilin Kina pretendon se është pjesë e territorit të saj, ka pavarësi “de facto” që nga viti 1949. Mosmarrëveshja për ndarjen dhe sovranitetin midis Kinës kontinentale dhe Tajvanit, e cila u shfaq pas luftës civile, vazhdon.

Qeveria e Pekinit thekson parimin “një Kinë” dhe kundërshton vendosjen e marrëdhënieve diplomatike të pavarura nga Tajvani me vendet e botës, përfaqësimin në OKB dhe organizata të tjera ndërkombëtare dhe kërkon që vendet që e njohin atë të ndërpresin marrëdhëniet diplomatike me Tajvanin.

Tajvani njihet nga 11 shtete anëtare të OKB-së dhe Vatikani.

MARKETING