Rutte: Industria e mbrojtjes e Turqisë duhet të jetë e lidhur ngushtë me Mbretërinë e Bashkuar, Norvegjinë dhe BE-në

Sekretari i Përgjithshëm i NATO-s, Mark Rutte, vlerësoi bazën industriale të mbrojtjes së Turqisë, duke theksuar se industria e mbrojtjes e vendit duhet të jetë e lidhur ngushtë me Mbretërinë e Bashkuar, Norvegjinë dhe Bashkimin Evropian (BE), raporton Anadolu.

MARKETING

“Turqia ka një bazë shumë të madhe të industrisë së mbrojtjes. Ndonjëherë harrojmë se çfarë kanë ata. Vizitova disa nga kompanitë e tyre, është vërtet mbresëlënëse.”, tha Rutte në Forumin Publik të NATO-s në Hagë.

“Duhet të sigurohemi që baza industriale turke e mbrojtjes të jetë sa më e lidhur me Mbretërinë e Bashkuar, Norvegjinë dhe BE-në.”, shtoi ai.

Rutte paralajmëroi kundër krijimit të përçarjeve të brendshme brenda aleancës bazuar në kornizat e bashkëpunimit në mbrojtje, duke thënë: “Le të mos i vendosim këto gardhe brenda NATO-s. Kjo nuk do të ndihmojë.”

Udhëheqësit e 32 shteteve anëtare të NATO-s do të mblidhen në Hagë më 24-25 qershor për një samit kritik të dominuar nga debatet mbi rritjen e shpenzimeve të mbrojtjes dhe kërkesën e Ukrainës për anëtarësim.

MARKETING