Sondazh, shumica e gjermanëve tani kanë qëndrim negativ ndaj Izraelit

Opinioni publik gjerman ka ndryshuar në mënyrë dramatike kundër Izraelit, me 57 për qind që tani kanë pikëpamje negative për vendin pas veprimeve të tij ushtarake në Gaza, sipas një sondazhi të ri të publikuar, transmeton Anadolu.

Sondazhi nga instituti kërkimor “Allensbach” për gazetën “Frankfurter Allgemeine Zeitung” shënon një ndryshim të habitshëm nga viti 2022, kur vetëm 23 për qind shprehën pikëpamje negative për Izraelin.

Në sondazh u zbuluan shqetësimet në rritje lidhur me sulmet ushtarake të Izraelit, me 65 për qind të gjermanëve që i konsideronin veprimet e Izraelit në Gaza “të papërshtatshme”. Vetëm 13 për qind shprehën mbështetje për fushatën ushtarake.

Lidhur me pyetjen nëse Gjermania mban “përgjegjësi të veçantë” ndaj Izraelit duke patur parasysh të kaluarën e saj naziste, 28 për qind e të anketuarve e mbështetën këtë pikëpamje ndërsa 52 për qind e hodhën poshtë këtë nocion.

Në një gjetje veçanërisht të dukshme, 73 për qind e të anketuarve treguan se panë “disa të vërteta” në deklaratën se veprimet e Izraelit në Gaza përbëjnë “gjenocid” ndërsa vetëm 9 për qind e hodhën poshtë në mënyrë të qartë këtë karakterizim.

Ndryshimi në opinionin publik gjerman vjen ndërsa Izraeli përballet me kritika në rritje ndërkombëtare për fushatën e tij ushtarake në Gaza. Sondazhi zbuloi se 37 për qind e gjermanëve tani e shohin Izraelin si kërcënim të madh për paqen botërore, nga vetëm 11 për qind në janar 2021.

Sondazhi “Allensbach” është zhvilluar nga 1-12 qershori 2025, përpara sulmit ushtarak të Izraelit ndaj lokacioneve bërthamore dhe objekteve ushtarake të Iranit.

MARKETING