Përmbytje shkatërruese godasin Australinë – të paktën tre të vdekur, mijëra të evakuuar

Deri më tani janë konfirmuar të paktën tre viktima, ndërsa një person rezulton ende i zhdukur, raporton reuters.

Më shumë se 23 mijë shtëpi janë përmbytur, duke dëmtuar rëndë pasuritë materiale të qytetarëve dhe duke lënë mbi 48,800 persona të izoluar, pa mundësi për të lëvizur apo për të marrë ndihma të menjëhershme.

Situata mbetet jashtëzakonisht kritike dhe dinamike. Shërbimet e emergjencës po punojnë pandërprerë me mjete të specializuara si helikopterë, anije shpëtimi dhe dronë për të ndihmuar në evakuimin e banorëve të bllokuar, shumë prej të cilëve janë detyruar të ngjiten mbi çatitë e shtëpive për të shmangur rrezikun.

Ndërhyrjet janë të vështira për shkak të terrenit të vështirë dhe kushteve të pafavorshme atmosferike.

Sipas parashikimeve meteorologjike, reshjet e dendura të shiut pritet të vazhdojnë edhe në ditët në vijim, duke përkeqësuar më tej situatën. Nivelet e lumenjve janë në rritje të vazhdueshme dhe ka frikë se ato mund të tejkalojnë kufijtë e zakonshëm, duke shkaktuar përmbytje të reja dhe rrëshqitje dherash.

Autoritetet vendore kanë paralajmëruar se më e keqja mund të jetë ende përpara dhe kanë rritur nivelin e gatishmërisë në rajonet më të rrezikuara.

Banorëve u bëhet thirrje të qëndrojnë vigjilentë, të shmangin lëvizjet e panevojshme dhe të ndjekin me përpikëri të gjitha udhëzimet e dhëna nga shërbimet e emergjencës.

Ndërkohë, janë hapur qendra strehimi për të pritur të evakuuarit dhe po shpërndahen ndihma ushqimore dhe materiale për të lehtësuar situatën.

MARKETING