Dy nga të lënduarit nga zjarri në Koçan kanë arritur në mjekim në Zagreb

Dy persona të lënduar rëndë në zjarrin në Koçan kanë arritur në Kroaci dhe janë në mjekim në Klinikën për traumatologji në spitalin “Motrat e bamirësisë” në Zagreb, kumtoi sot Qeveria kroate.

Pritet sot dhe nesër një helikopter i armatës kroate të ndërmarrë edhe katër persona të lënduar, të cilët do të përkujdesen në spitalet kroate.

Duke iu referuar të dhënave nga spitali i Zagrebit, mediumet kroate njoftojnë se pacientët kanë djegie dhe lëndime gjatë thithjes së ajrit në kanalet respiratore dhe u janë siguruar respiratorë për ventilacion mekanik.

Për vendin e mjekimit është zgjedhur Klinika për traumatologji, pasi ka Repart për djegie, një Repart të posaçëm për djegie me sallë të posaçme për operacion dhe Repart për kujdes intensiv.

MARKETING