Fidan takohet me kryediplomaten gjermane Baerbock në Ankara

Ministri i Jashtëm i Türkiyes, Hakan Fidan, u takua sot në Ankara me homologen e tij gjermane, Annalena Baerbock, raporton Anadolu.

Teksa akoma nuk janë publikuar detaje të takimit nga Ministria e Jashtme e Türkiyes, Zyra Federale e Punëve të Jashtme e Gjermanisë në një njoftim paraprak kishte sugjeruar se diskutimet do të fokusoheshin në procesin e paqes në Siri.

Gjatë vizitës së saj në Türkiye, Baerbock shoqërohet nga Tobias Lindner, ministër i shtetit dhe koordinatori special i Ministrisë së Jashtme Federale për Sirinë.

Përpos kësaj, në një takim të ndarë, Fidan priti nënsekretarin e përgjithshëm të OKB-së për çështjet humanitare dhe koordinatorin e ndihmës emergjente, Tom Fletcher.

Nuk u dhanë detaje të mëtejshme rreth takimit.

MARKETING