Lajçak: Zgjedhjet në veri ishin “mina tokësore”, për fat të keq ne ecëm mbi to

Emisari i Bashkimit Evropian në dialogun Kosovë-Serbi, Miroslav Lajçak, në një intervistë për mediumin austriak “Kurier”, ka folur për dialogun mes dy shteteve.

Lajçak ka thënë se marrëveshja e Ohrit mes dyja shteteve ka qenë një arritje e jashtëzakonshme për normalizimin e marrëdhënieve mes Kosovës dhe Beogradit.

“Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por, ka shumë “mina” në këtë rrugë që nuk duhet të ecim mbi to. Zgjedhjet vendore në prill ishin njëra prej tyre dhe, për fat të keq, ne ecëm mbi to”,  ka deklaruar Lajçak.

Tutje, ai gjatë intervistës ka deklaruar se aktualisht fokusi i tyre është te menaxhimi i krizës. /Telegrafi/

MARKETING