Një minutë heshtje në Asamblenë e Përgjithshme të OKB-së, për viktimat e tërmetit në Turqi dhe Siri

Një tërmet me fuqi shkatërruese goditi sot Turqinë dhe Sirinë, ku si pasojë humbën jetën mbi 2.400 persona.

E ekipet e shpëtimit janë duke bërë të pamundurën që të shpëtojnë qytetarët, që kanë mbetur të ngujuar nëpër rrënojat e ndërtesave të shembura.

Vlerësohet se vetëm në Turqi afro 3 mijë objekte janë shembur, kurse lagje të tëra janë bërë rrafsh me tokë, transmeton Telegrafi.

Shumë liderë botërorë kanë shprehur gatishmërinë, që të dërgojnë ekipe për ta ndihmuar Turqinë për të kërkuar të mbijetuarit.

Në Asamblenë e Përgjithshme të Kombeve të Bashkuara, është mbajtur një minutë heshtje për të nderuar viktimat e tërmetit në Turqi dhe Siri.

MARKETING