Xhaka dhe kartoni i verdhë i dyshimtë, edhe mafia shqiptare e përfshirë

Xhaka dhe kartoni i verdhë i dyshimtë, edhe mafia shqiptare e përfshirë

Kartoni i verdhë i marrë nga Granit Xhaka në fitoren e Arsenal ndaj Leeds United me rezultatin 4-1 sezonin e shkuar, në dhjetor, është cilësuar si shumë i dyshimtë.

Mediet angleze raportojnë se ndaj Xhakës ka nisur një hetim nga Agjencia Kombëtare e Krimit, pasi dyshohet se në bashkëpunim me mafien shqiptare dhe nga ish-futbollisti suedezo-shqiptar, Alban Jusufi, të dënuar për trukim ndeshjes kanë ndikuar në rezultat.

Hetimi nisi së pari nga Federatat Angleze e Futbollit, e cila u ndikua nga modele të dyshimta bastesh për këtë ndeshje, për të cilën ishin vendosur shifra që shkonin në 52 mijë paund për Xhakën, me shqiptarin që u ndëshkua në 10 minutat e fundit të lojës.

Xhaka u ndëshkua me karton të verdhë nga gjyqtari Andre Marriner në minutën e 86-të pasi vonoi me rreth 20 sekonda të ekzekutonte një goditje dënimi, pavarësisht se Arsenali po fitonte 4-1 dhe kishte kontroll të plotë të lojës.

Më tej raportohet se hetuesit kanë zbuluar prova të shumave të konsiderueshme të basteve që nuk janë vendosur në Angli, me një pjesë të madhe të aktivitetit që mendohet se ka ndodhur në Shqipëri.

Gjithashtu po shqyrtohet si mundësi edhe fakti që Alban Jusufi, një sulmues suedezo-shqiptar i dënuar me pesë vjet pezullim për trukim ndeshjesh nga gjykatat suedeze në vitin 2017, bëri shuma të mëdha duke vënë bast që Xhaka të ndëshkohej.

41-vjeçari u shpall fajtor për korruptimin e portierit të AIK-ut, Kyriakos Stamatopoulos, me 150,000 paund për të mos luajtur mirë përpara një derbi kundër IFK Gothenburg në 2017-ën. Federata e Suedisë e shtyu ndeshjen pasi u raportua trukimi i saj.