West Ham bën superofertë për Brojën, por Tuchel bëhet pengesë

West Ham bën superofertë për Brojën, por Tuchel bëhet pengesë

Armando Broja është një nga emrat më të kërkuar të kësaj merkato, me West Ham që vijon të mbajë shpresë për afrimin e shqiptarit.

Sipas raportimeve nga mediet britanike “Hammers” kanë ofruar plot 35 milionë euro për kartonin e sulmuesit 20-vjeçar.

Broja bëri përshtypje gjatë kohës së tij të huazimit në Southampton sezonin e kaluar. West Ham po kërkon të shtojë më shumë thellësi në sulmin e tyre këtë verë dhe ka vendosur të ketë një lojtar si Broja në ekip. Shqiptari shënoi nëntë gola në të gjitha garat sezonin e kaluar për Southampton duke bërë disa paraqitje të shkëlqyera gjatë sezonit.

Megjithatë kjo lëvizje duket disi e vështirë, pasi trajneri i Chelsea-t, Tuchel nuk pranon të heqë dorë nga shqiptari pa e parë njëherë nga afër formën e tij.