(VIDEO) Vapë rekord në SHBA, zjarre të mëdha në Kaliforni

(VIDEO) Vapë rekord në SHBA, zjarre të mëdha në Kaliforni

Një valë e nxehtësisë ekstreme preku dhjetëra miliona amerikanë këtë fundjavë, ndërkohë që priten rekorde të temperaturës në qendër dhe verilindje të Shteteve të Bashkuara dhe një zjarr i madh po shpërthen sërish në Kaliforni.

“Nxehtësia ekstreme do të vazhdojë në Shtetet e Bashkuara qendrore nga ku do të përhapet në verilindje gjatë fundjavës dhe priten temperatura rekord në të gjithë rajonin sot (e shtunë) dhe të dielën”, tha Shërbimi Kombëtar i Motit (NWS).

“Kjo nxehtësi do të nxisë mot të ashpër në veriun e mesperëndimit sot, me një rrezik të lartë të erërave të dëmshme, breshër të madh dhe disa tornado”, vazhdoi NWS.

Sparina, e cila vështirëson frymëmarrjen dhe tregon shkallën e kërcënimit të ndryshimeve klimatike, është ndjerë në kryeqytetin Uashington, ku temperatura mund të kalojë pragun simbolik prej 37 deri në 38 gradë Celsius, në New York 35 gradë dhe në Boston 37 sosh.

Temperaturat mund të arrijnë 43 gradë në pjesë të Jutah (perëndim), Arizona (jug) dhe verilindore, sipas NWS. Vlerat e tilla të larta të temperaturës rrisin rrezikun e zjarrit.

Në perëndim të SHBA-së të premten, një zjarr i madh “Oak Fire” shpërtheu në qarkun Mariposi, pranë Parkut Kombëtar Yosemite, sekujat gjigante të të cilit tashmë dhjetë ditë më parë ishin kërcënuar nga zjarri.