(VIDEO) Shpërthim i vullkanit në Islandë, atraksion për turistët

(VIDEO) Shpërthim i vullkanit në Islandë, atraksion për turistët

Disa njerëz janë mbledhur për të parë nga afër shpërthimin e një vullkani pranë kryeqytetit të Islandës Reykjavik.

Videot e ngarkuara në mediat sociale tregojnë njerëz që bëjnë foto dhe filmojnë ndërsa vullkani derdh lavë dhe tym duke ofruar një shfaqje të madhe zjarri.

Mediat islandeze kanë bërë të ditur se tre prej turistëve janë lënduar në përpjekje për ta vizituar.

Shpërthimi, i cili filloi pas ditëve të rritjes së aktivitetit të tërmeteve në zonë, sipas Zyrës Meteorologjike Islandeze (IMO), ndodhi vetëm 25 km nga Reykjaviku dhe 15 km nga aeroporti ndërkombëtar i vendit.

Islanda shpesh përjeton tërmete dhe ka aktivitet të lartë vullkanik pasi dy pllakat lëvizin në drejtime të kundërta.

Ndryshe, shteti islandez është i vendosur midis pllakave tektonike Euroaziatike dhe Amerikës së Veriut, ndër më të mëdhatë në planet. /Telegrafi/