(VIDEO) Plasaritje mes VMRO-së dhe kryetares së Shkupit, Mickoski: Rrugët me Arsovskën na janë ndarë

(VIDEO) Plasaritje mes VMRO-së dhe kryetares së Shkupit, Mickoski: Rrugët me Arsovskën na janë ndarë

Në jetë,  jogjithmonë përmbushen pritshmëritë edhe nga njëra edhe nga tjetra palë dhe thjeshtë rrugët mund të shkojnë në anë të ndryshme. Kështu u shpreh lideri i VMRO-DPMNE-së Hristijan Mickoski, kur u pyet për kryetaren e Qytetit të Shkupit Danella Arsovskan, pasi ajo shkarkoi drejtorin e “Ujësjellësit dhe Kanalizimit”, me çka la të kuptohet se mes tyre ka përçarje. Ndërsa për shkarkimin e Zllatko Perinskin dhe dorëheqjen e sekretarit të përgjithshëm të Qytetit të Shkupit, Gjoko Vellkovskit, Mickoski tha se e kanë mbështetjen e tij të pa rezervë dhe se që të dy në të ardhmen do të marrin angazhime të reja.

Hristijan Mickoski, lider i VMRO-DPMNE-së

“Edhe Gjoko Vellkovski që sot dha dorëheqje dhe Zllatko Perinski kanë mbështetjen time apsolute sepse besoj në karakterin e tyre të ndershëm dhe në punën e tyre të ndershme dhe sigurisht që ato mbeten pjesë e planit të VMRO-DPMNE –së dhe planeve të mia, në të ardhmen”.

Qyteti i Shkupit  mëngjesin e sotëm bëri me dije se të premten e ka shkarkuar Zlatko Perinskin, ushtruesin e detyrës së drejtorit të Ndërmarrjes Publike “Ujësjellësi dhe Kanalizim”, nga radhët e VMRO-së, për shkak të siç kanë thënë, arbitraritetit dhe sjelljes së papërshtatshme në procedurën e ndarjes së tenderit.

Ndërsa gjatë ditës u dorëhoq nga pozita e seretarit të përgjithshëm të Qytetit të Shkupit Gjoko Vellkovski, po ashtu kuadër i VMRO-së. Sipas tij der tek ky vendim ka ardhur përshkak se ndjehet i zhgënjyer nga Arsovska.

Gjoko Vellkovski, ish sekretar i Qytetit të Shkupit

“Këtë vendim timin  e kam sjellë për faktin se jam i zhgënjyer nga potenciali i dobët  dhe mosbashkëpunimi nga ana e kryetares Arsovska në realizimin e projekteve kapitale për Qytetin e Shkupit. Premtimi për shkupjanët ishte një metropol modern dhe rezultatet do të ishin të shpejta dhe të besueshme”.

Përndryshe, më 14 korrik,  Qyteti i Shkupit njoftoi se ka shkarkuar nga detyra ushtruesin e detyrës së drejtorit të Kopshtit Zoologjik të Shkupit, Kristijan Stamenov. Më herët Arsovska kishte shkarkuar edhe drejtorin e NP “Higjiena komunale” nga radhët e Aleancës për Shqiptarët.

Emine Ismaili /SHENJA/