` . (VIDEO) Austria ofrohet si ndërmjetësuese në kontestin Shkup-Sofje - TV SHENJA

(VIDEO) Austria ofrohet si ndërmjetësuese në kontestin Shkup-Sofje

Austria ofron të jetë ndërmjetëse midis Bullgarisë dhe Maqedonisë së Veriut për të kapërcyer ngërçin që ka zhbllokuar perspektivën evropiane të vendit. Kështu tha ministrja për Evropën dhe Kushtetutën e Republikës së Austrisë, Karoline Edstadler, e cila është për vizitë në vendin tonë. Ministrja austriake theksoi partneritetin me vendin tonë dhe mbështetjen që Vjena i jep Maqedonisë dhe për këtë arsye dëshiron që procesi i zgjerimit të zhbllokohet dhe konferenca e parë ndërqeveritare të zhvillohet gjatë presidencës portugeze deri në qershor.

Karoline Edstadler, ministre për Evropën dhe Kushtetutën e Republikës së Austrisë

“Nuk i kuptoj disa vende këtu që bllokojnë aspiratat e Maqedonisë, nuk e kuptoj Bullgarinë, por kemi besim të plotë në presidencën portugeze. Nuk e di të gjithë historinë, por e di se çfarë do të thotë të merresh me të kaluarën. Unë jam politikane që kujdesem për të ardhmen dhe perspektivën. Maqedonia e Veriut i përket Evropës dhe duhet ta përfundojmë atë proces. Dua që vendi të shpërblehet për të gjithë hapat që ka ndërmarrë deri më tani”.

Zëvendëskryeministri Nikolla Dimitrov theksoi rëndësinë që Maqedonia të bëjë përparim drejt BE-së dhe të fillojë negociatat menjëherë pas 16 vitesh pritje në dhomën e pritjes së BE-së.

Nikolla Dimitrov, zv/kryeministër

“Ne kemi qenë vend kandidat për 16 vjet dhe rasti ynë është test i vërtetë për BE-në. Është koha të fillojmë negociatat e pranimit. Me Bullgarinë jemi fqinjë që ndajnë shumë. Në këtë kontekst ose do të jemi bashkë ose do të jemi fitues së bashku. Ne humbëm disa gjenerata në dhomën e pritjes së Evropës. Kemi bërë shumë gjatë viteve të kaluara dhe zgjidhjen e problemeve në shtëpi dhe problemeve me vendet e tjera. Nëse BE-ja e flak këtë sukses, do t’i dërgojë një mesazh të keq rajonit. Na duhet mesazh nga BE-ja që është vërtet serioz kur bëhet fjalë për zgjerimin”.

Dimitrov falënderoi Austrinë për përpjekjen për të qenë pjesë e negociatave me Pfizerin për shpërndarjen e vaksinave në Maqedoninë e Veriut, për mbështetjen e Vjenës në procesin e integrimit evropian dhe bashkëpunimin ekonomik.

Emine Ismaili /SHENJA/