` . Varane te Man.United në fundjavë, arrihet marrëveshja! - TV SHENJA

Varane te Man.United në fundjavë, arrihet marrëveshja!

Raphael Varane është gjithnjë e më afër transferimit te Manchester United. Bisedimet mes klubit anglez dhe atij spanjoll kanë qenë intensive gjatë ditëve të fundit, aq sa mediat franceze shkruajnë se akordi mes palëve është arritur. Sipas Le Parisien marrëveshja do të mbyllet në fund të kësaj jave për shifrën e 45 milionë eurove dhe jo 80 milionë euro siç u përfol fillimish, kjo edhe për faktin se Reali është në krizë të thellë ekonomike dhe nuk kërkon ta humbasë pas një viti me parametër zero mbrojtësin francez i cili do të firmosë për 4 ose 5 sezone me Djajtë e Kuq.