“Unë nuk luaj bllofin”/ Putin kërcënim bërthamor, shpall mobilizimin e trupave

“Unë nuk luaj bllofin”/ Putin kërcënim bërthamor, shpall mobilizimin e trupave

“Unë nuk po luaj bllofin, perëndimi kërkon të na bëjë shantazh dhe ne nuk do të rrimë duarkryq”, kështu tha presidenti Vladimir Putin në një mesazh televiziv drejtuar kombit, ku shpalli një mobilizim të pjesshëm të forcave ruse, si dhe shpalosi planin për aneksimin e Ukrainës përmes referendumeve.
Putin tha se nëse Moska sheh se ekziston një kërcënim për integritetin territorial të Rusisë, ata nuk do të kursehen, duke folur për një kërcënim bërthamor

“Integriteti territorial i atdheut tonë, pavarësia dhe liria jonë do të sigurohet me të gjitha mjetet që kemi. Dua ta përsëris, ata që përpiqen të na shantazhojnë me armë bërthamore duhet të dinë se era mund të kthehet edhe kundër tyre. Ne do të mbrohemi me çdo mjet, do të kemi një mobilizim të pjesshëm, duke nisur nga sot, pra të gjithë ata që janë aktualisht në formacionet rezervë të ushtrisë do t’i nënshtrohen rekrutimit dhe mbi të gjitha ata që kanë shërbyer në forcat e armatosura e kanë një specialitet të caktuar ushtarak dhe përvojë përkatëse”, tha Putin.