` . Tripunovski: Me ribalancin e buxhetit LSDM-ja i shkurtoi mjetet për të ndihmuar bujqit, ndërsa i rriti për punësimet e përkohshme të anëtarëve partiak - TV-SHENJA

Tripunovski: Me ribalancin e buxhetit LSDM-ja i shkurtoi mjetet për të ndihmuar bujqit, ndërsa i rriti për punësimet e përkohshme të anëtarëve partiak

Ne kritikojmë këtë mënyrë të drejtimit të ekonomisë nga qeveria aktuale e LSDM-së, sepse ky huazim i fundit që praktikisht çdo qytetar i vetëm në vend do të ketë borxh 90,000 denarë që gjeneratat e ardhshme duhet t’i kthejnë nuk do të përfundojë në ekonominë ku ato duhen më shumë, por do të përfundojnë në manipulime dhe ryshfet për votuesit në zgjedhjet e parakohshme parlamentare. Pra, kjo është një politikë e gabuar e ndjekur nga LSDM-ja vetëm duke e shtyrë Maqedoninë në krizë më të madhe ekonomike, tha Cvetan Tripunovski, anëtar i Komitetit ekzekutiv të VMRO-DPMNE-së gjatë pjesëmarrjes në emisionin “çfarë nuk është e qartë” në televizionin Alfa.

Në reagimin nga ana e  bujqve që qeveria e LSDM-së nuk kujdeset për ata, nuk i paguan subvencionet me kohë, Tripunovski tha se është më se e qartë se arka e shtetit është bosh dhe kjo është arsyeja pse subvencionet për bujqit që në këto periudha të vështira kanë nevojë më së shumti nuk u paguhen, duke theksuar se për LSDM-në dhe Dimkovskin përparësia është luksi, dhe jo problemet e fermerëve.

Lidhur me ribalancin e buxhetit, Tripunovski thotë se qeveria po shkurton fondet për mbështetjen financiare të bujqve dhe sigurinë e ushqimit, ndërsa në fushën e punësimit të përkohshëm po rrit fondet, duke theksuar se qëllimi i LSDM-së nuk janë bujqit, por kujdesi ndaj anëtarëve të partisë të LSMD-së.

Qendra për komunikime e VMRO-DPMNE-së