Talat Xhaferi firmos Ligjin për gjuhët dhe e dërgon në Gazetën zyrtare

Talat Xhaferi firmos Ligjin për gjuhët dhe e dërgon në Gazetën zyrtare

Kryetari i Kuvendit, Talat Xhaferi, ka firmosur Ligjin për gjuhët. Ligji me firmën e Xhaferit dërgohet në Gazetën Zyrtare dhe pas shpalljes në Gazetën Zyrtare menjëherë hyn në fuqi.

Kreu i Kuvendit, Talat Xhaferi sot në orët e pasdites ka dërguar Ligjin në Gazetën Zyrtare. Para pak minutave Xhaferi këtë e ka konfirmuar edhe në profilin e tij në Facebook.

Ligji për Gjuhët u miratua më 11 janar të vitit të kaluar në situatë të tensionuar mes deputetëve. Pas votimit në lexim të dytë me 69 vota për, presidenti Gjorgje Ivanov nuk e dekretoi me arsyetimin se ky ligj është në kundërshtim me Kushtetutën dhe se është në kundërshtim me rregulloren e Kuvendit.

Sipas procedurës, Ligji u kthye për rivotim në Kuvend. Në lexim të tretë, ai përsëri mori miratimin e shumicës së deputetëve. Pavarësisht kësaj, presidenti Ivanov ka vazhduar të mos e nënshkruajë Ligjin për përdorimin e gjuhëve.