` . Shënohet numri rekord i viktimave brenda ditës nga Covid-19 në Gjermani - TV SHENJA

Shënohet numri rekord i viktimave brenda ditës nga Covid-19 në Gjermani

Autoritetet në Gjermani kanë njoftuar një rekord prej 410 vdekje nga koronavirusi në 24 orët e fundit, vetëm disa orë para se kryeministrat e shteteve federale të flisnin përmes telekonferencës me Kancelaren gjermane Angela Merkel.

Numri i rasteve të konfirmuara të Covid-19 në Gjermani është rritur në 24 orët e fundit me 18,633 , duke e çuar në 961,320, numrin e përgjithshëm të rasteve, sipas Institutit Robert Koch.

Rastet ditore janë 5,015 më pak se numri rekord të premten, por numri i të vdekurve u rrit ndjeshëm në 410 nga 305 javën e kaluar.

Ndërkohë, kancelarja Merkel do të zhvillojë sot një video-konferece me kryeministrat e shteteve për të diskutuar zgjatjen e bllokimit. /abcnews.al