Rritja e rasteve me Covid-19 në Kinë, Shangai urdhëron mbylljen e shumicës së shkollave
Qyteti më i madh i Kinës, Shanghai, ka urdhëruar shumicën e shkollave të punojnë ‘online’ prej rritjes së raportuar të rasteve të sëmundjes.
Bashkë me shkollat do të përfshihen dhe kopshte e çerdhe, tha zyra arsimore e Shangai.
Zhvillimi vjen megjithë njoftimin e fillimit të muajit për zbutjen e masave kufizuese nga autoritetet komuniste, pas një vale protestash të gjera kundër politikës së ‘zero-Covid’ të reklamuar nga qeveria.
Zyrtarët thonë se ndryshimet në sistemin e numërimit dhe testimit kanë bërë të vështirë llogaritjen e përhapjes së virusit.
Në Shangai raportohen se janë shtuar vendet e gatshme në spitale për rritje të mundshme të numrit të infektimeve.
Në një deklaratë të postuar nga zyra arsimore e Shanghai në rrjetet sociale thuhej se shumica e grupeve të shkollave fillore dhe kopshteve do të vendoseshin online, përveç atyre që nuk kishin mundësi.
