` . Ronaldo me urim të veçantë për Khabibin pas titullit në UFC: Babai yt është krenar për ty - TV SHENJA

Ronaldo me urim të veçantë për Khabibin pas titullit në UFC: Babai yt është krenar për ty

Cristiano Ronaldo nuk ka ngurruar ta urojë mikun e tij, Khabib Nurmagomedov pasi ky i fundit mposhti Justin Gaethje dhe mbrojti titullin e peshave të lehta në UFC 254.

Nurmagomedov ka fituar në përballjen e zhvilluar në kryeqytetin e Emirateve të Bashkuara Arabe, Abu Dhabi apo më saktë në vendin e quajtur Fight Island.
Raundi i parë prej pesë minutave ishte thuajse i barabartë me Khabib për një nuancë më të mirë, ndërsa i dyti ishte vendimtar në këtë përballje dhe Nurmagomedov tregoi forcën.

Pas disa goditjeve nga të dy luftëtarët, Nurmagomedov e lidhi mirë Gaethjen me këmbë deri sa e la pa ndjenja në oktogon dhe gjyqtari ia dha fitoren.
Pas kësaj fitore komentet ishin të ndryshme nga shumë figura të sporteve luftarake, por edhe sporteve tjera.
I tillë është edhe ylli i Juventusit, Cristiano Ronaldo, i cili nuk kishte s’i të mungonte me një urim për mikun e tij të mirë nga Dagestani.

Sulmuesi portugez, i cili gjithashtu ka humbur babanë në fillimin e karrierës i ka thënë Khabibit se babai i tij është krenar me këtë arritje.
“Urime vëlla. Babai yt është krenar për ty”, ka shkruar Ronaldo në profilin e tij në Instagram, teksa ia ka bashkangjitur edhe një fotografi nga meçi.