Radev: “Propozimi francez” është më i miri për momentin

Radev: “Propozimi francez” është më i miri për momentin

“Propozimi francez” për të zhbllokuar procesin e integrimit evropian të Maqedonisë së Veriut është më i mirë për Bullgarinë, por politikanët bullgarë nuk duhet të nxitojnë të shpallin fitore historike, sepse dokumentet e propozuara nuk ofrojnë garanci të mjaftueshme për të mbrojtur interesat e Sofjes, tha presidenti bullgar Rumen Radev.

Sipas Radev, partnerët evropianë të Sofjes ndajnë mendimin se “çështja e mbrojtjes së të drejtave të qytetarëve dhe lufta ndaj diskriminimit nuk mund të jenë çështje dypalëshe vetëm midis Bullgarisë dhe Republikës së Maqedonisë së Veriut, por duhet të ngrihet në nivel të BE-së”.

Ai gjithashtu u bëri thirrje politikanëve bullgarë që të mos nxitojnë me shpalljen e një “fitore historike”, sepse, siç theksoi, ndryshimi i Kushtetutës së Maqedonisë së Veriut nuk është hapi i fundit, por i pari drejt integrimit të vendit në BE.