Paraburgim për gjashtë persona nga aksioni policor në Tabanoc

Paraburgim për gjashtë persona nga aksioni policor në Tabanoc

Tre nga nëntë policët dhe doganierët e arrestuar në vendkalimin kufitar Tabanoc, u është caktuar masa e 30 ditë paraburgim, njofton “24Info”.

Dy persona kanë marrë 8 ditë paraburgim, ndërsa një person do të jetë në arrest shtëpiak, ndërsa tre personave të tjerë masa parandaluese dhe u janë konfiskuar pasaportat.
Në një aksion antikorrupsion të Ministrisë së Punëve të Brendshme dhe Prokurorisë u ndaluan komandanti, zëvendëskomandanti, drejtuesi i turnit, si dhe gjashtë punonjës policie.

Për shkak të aksionit që po zhvillohet në pikën kufitare, ka pasur mbyllje të kufirit me çka është shkaktuar një kolonë e gjatë automjetesh.

Gjatë operacionit është gjetur një kuti me euro, dollarë, lira turke, franga zvicerane dhe denarë.