OKB: Një e treta e popullsisë së Sudanit po përballet me krizë ushqimore

OKB: Një e treta e popullsisë së Sudanit po përballet me krizë ushqimore
UGANDA - 2018/05/07: A South Sudanese refugee seen carrying a pack of 50 KG of cassava flour on top of the her head. The Bidi Bidi refugee settlement in northern Uganda near the South Sudanese border is currently the largest refugee camp in the world, hosting over 250,000 South Sudanese refugees fleeing the conflict. The world food program is providing monthly basic food supply for the refugees in the settlement. (Photo by Alda Tsang/SOPA Images/LightRocket via Getty Images)

Një e treta e popullsisë së Sudanit aktualisht po përballet me një krizë ushqimore për shkak të ndikimit shtesë të ndryshimeve klimatike, trazirave politike dhe rritjes së çmimeve globale të ushqimeve, tha sot Agjencia e Ushqimit e OKB-së.

Një raport i përbashkët i Programit Botëror të Ushqimit dhe Organizatës së Ushqimit dhe Bujqësisë thotë se 15 milionë njerëz nuk kanë burime të sigurta ushqimore në të 18 provincat e këtij vendi të Afrikës Lindore, transmeton portal arbresh.info

“Efektet e kombinuara të konfliktit, goditjeve klimatike, krizave ekonomike dhe politike, kostove në rritje dhe të korrave të dobëta po shtyjnë miliona njerëz drejt varfërisë dhe urisë”, thuhet në raport.

Kushtet e jetesës janë përkeqësuar me shpejtësi në Sudan, pasi grusht shteti ushtarak gjatë muajit tetor dërgoi ekonominë tashmë të brishtë në një rënie më thellë, ndërsa pushti rus në Ukrainë e ka përkeqësuar edhe më keq krizën.

Nivelet e financimit nuk plotësojnë nevojat humanitare, ku 40 për qind e popullsisë pritet të jetë pa një burim të sigurt ushqimor deri në shtator.

“Ne duhet të veprojmë menjëherë për të shmangur rritjen e niveleve të urisë dhe për të shpëtuar jetën e atyre që tashmë janë prekur”, thuhet në raport.

Marrja e kontrollit ushtarak më 25 tetor ndërpreu tranzicionin e Sudanit drejt sundimit demokratik, i cili filloi pas tre dekadash represioni dhe izolimi ndërkombëtar nën presidentin autokratik Omar al-Bashir.

Që nga tetori i vitit të kaluar, në Sudan janë mbajtur protesta për të kërkuar tërheqjen e ushtrisë.

Raporti thekson se qyteti Kreinik në Darfurin Perëndimor, ku konfliktet fisnore morën më shumë se 200 jetë në prill, është më i godituri, ku më shumë se 90 përqind e qytetarëve përballen me urinë.