` . Netanyahu: Marrëveshja me Emiratet e Bashkuara Arabe, historike - TV SHENJA

Netanyahu: Marrëveshja me Emiratet e Bashkuara Arabe, historike

Kryeministri izraelit Benjamin Netanyahu e quajti hap historik marrëveshjen e normalizimit midis vendit të tij dhe Emirateve të Bashkuara Arabe (EBA), transmeton Anadolu Agency (AA).

Netanyahu ripostoi deklaratën e presidentit amerikan Donald Trump në Twitter në të cilën ai njoftoi marrëveshjen e arritur midis dy vendeve, duke thënë se “kjo është një ditë historike”.

Po ashtu, Netanyahu njoftoi se sonte në ora 20:00 do të ketë një prononcim më të detajuar mbi marrëveshjen.

EBA bëhet vendi i tretë arab që firmos marrëveshje paqeje me Izraelin pas Egjiptit në vitin 1979 dhe Jordanisë në vitin 1994.