Ministri i Jashtëm i Emirateve të Bashkuara Arabe arrin për vizitën e parë zyrtare në Izrael

Ministri i Jashtëm i Emirateve të Bashkuara Arabe arrin për vizitën e parë zyrtare në Izrael
In this photo made available by the Israeli Government Press Office, Israeli Foreign Minister Yair Lapid shakes hands with United Arab Emirates Foreign Minister Sheikh Abdullah bin Zayed al-Nahyan in Abu Dhabi, United Arab Emirates, Tuesday, June 29, 2021. Lapid kicked off the highest-level visit by an Israeli official to the UAE on Tuesday, nine months after the two established relations in a deal brokered by the United States. (Shlomi Amsalem/Government Press Office via AP)

Ministri i Jashtëm i Emirateve të Bashkuara Arabe (EBA), Sheikh Abdullah bin Zayed, mbërriti në Tel Aviv sot për një vizitë zyrtare në Izrael, transmeton Anadolu Agency (AA).

Bin Zayed është duke udhëhequr një delegacion të nivelit të lartë gjatë vizitës së tij disaditore, e cila përkon me dyvjetorin e vendosjes së marrëdhënieve diplomatike midis EBA-së dhe Izraelit, njoftoi agjencia shtetërore e lajmeve WAM.

Ai pritet të zhvillojë bisedime me zyrtarët izraelitë për të diskutuar një sërë çështjesh me interes të përbashkët dhe horizontet e bashkëpunimit midis dy vendeve.

Në shtator 2020, EBA-ja dhe Izraeli nënshkruan një marrëveshje të ndërmjetësuar nga SHBA-ja për të normalizuar marrëdhëniet e tyre. Që atëherë, dy vendet kanë shkëmbyer vizita nga zyrtarë të lartë dhe kanë nënshkruar dhjetëra marrëveshje dypalëshe në fusha të ndryshme, duke përfshirë investimet, shërbimet bankare dhe turizmin.

Tre shtete të tjera arabe – Bahreini, Maroku dhe Sudani – iu bashkuan Emirateve të Bashkuara Arabe në hapin e diskutueshëm që u bë i njohur si Marrëveshja e Abrahamit.