Maqedonia e Veriut gjendet në mesin e 10 vendeve më të varfëra në Evropë

Maqedonia e Veriut gjendet në mesin e 10 vendeve më të varfëra në Evropë

Në ueb-faqen „World Population Review“ që përpunon të dhëna nga burime relevante si Banka Botërore dhe OKB-ja, Maqedonia e Veriut renditet e gjashta në këtë listë. Sipas të dhënave për vitin 2020, Bruto Prodhimi Vendor për kokë banori në RMV ka qenë 5.888 dollarë, kurse të ardhurat kombëtare bruto kanë qenë 5.720 dollarë.

Nga vendet ballkanike,  më të varfër se Maqedonia e Veriut  janë vetëm Kosova dhe Shqipëria. Vendi më I varfër evropian është Ukraina, kurse në listë janë edhe Gjeorgjia, Moldavia, Bosnja e Hercegovina, Serbia dhe Mali i Zi, të gjithë vende që nuk janë pjesë të Bashkimit Evropian.  Bullgaria dhe Rumania, janë vendet më të varfëra në BE, por megjithatë renditen më mirë se të gjitha vendet ish-jugosllave dhe bllokut lindor. Në listën e vendeve më të pasura dominojnë vendet e Skandinavisë dhe Evropës Perëndimore.  Evropa për momentin përballet me një nga krizat më të mëdha ekonomike dhe energjetike, që ka goditur të gjitha vendet, në vecanti vendet më të varfëra.