` . Kreu i ri i Këshillit Evropian thirrje për "përgjegjësi" për problemin e migrantëve - TV-SHENJA

Kreu i ri i Këshillit Evropian thirrje për “përgjegjësi” për problemin e migrantëve

Presidenti i zgjdhur i Këshillit Evropian (KE), Charles Michel, tha se duhet garantuar zbatimi i i premtimeve ndërkombëtare lidhur me refugjatët sirianë, raporton AA.

Charles Michel, i cili detyrën e tij si presidenti i KE-së do ta fillojë zyrtarisht me 1 dhjetor, u takua me kryeministrin e Spanjës Pedro Sanchez.

Në një konferencë të përbashkët për shtyp pas takimit dypalësh të zhvilluar në ndërtesën e kryeministrisë (Moncloa) së Spanjës, Michel iu përgjigj pyetjeve të gazetarit të AA-së.

Ndaj pyetjes gazetarit të AA-së se “Në BE ka një dilemë serioze. Në njërën anë vendet e BE-së nuk duan refugjatët sirianë dhe në anën tjetër ushtrojnë presion mbi Turqinë që të mos dërgojë refugjatët në Siri. Si e shpjegoni këtë dilemë?” Michel u përgjigj: “Duhet që nëpërmjet KE-së të garantojmë zbatimin e premtimeve ndërkombëtare. E drejta e strehimit është shumë e rëndësishme për BE-në. Duhet të veprojmë me frymën e përgjegjësisë. Sigurisht që në fazën e parë janë shtetet kufitare që e përjetojnë këtë dramë. Për të kapërcyer këtë problem, duhet të bashkëpunojmë edhe me vendet e treta jashtë BE-së”.

“Duhet ta zgjidhim me përgjegjësi dhe solidarizim”

Michel tha se lidhur me çështjen e emigrantëve në BE ka një problem të serioz.

“Edhe pse disa vende të BE-së hedhin hapa, kjo është e pamjaftueshme. Përballë këtij fenomeni duhet të mbajmë kufijtë nën kontroll më mirë se çdo herë. Komisioni i BE-së do ta diskutojë këtë temë në takimin e parë të tij. Pavarsisht se nga vijnë emigrantët, ne duhet ta zgjidhim me përgjegjësi dhe solidarizim këtë problem. Detyrimi i BE-së dhe komunitetit ndërkombëtar është ta zgjidhin këtë problem”, vlerësoi Michel.

Ndërkohë, Michel nuk i është përgjigjur pyetjes: “E djathta ekstreme në Evropë po rritet çdo ditë e më shumë. Edhe në zgjedhjet e mbajtura së fundmi në Spanjë, e djathta ekstreme doli duke u forcuar. Si president i ri i KE-së, çfarë rekomandoni për të ndaluar të djathtën ekstreme?”.

Më tej, Michel ka theksuar se në takimin e parë të KE-së që do të mbahet nën kryesimin e tij në muajin dhjetor, do të diskutohen tema me përparësi, si problemi i ndryshimit të klimës, zhvillimi ekonomik në BE, buxheti i BE-së dhe Brexit.