Katari jep ndihmë financiare për palestinezët në Gaza

Katari jep ndihmë financiare për palestinezët në Gaza

Katari sot ka filluar dhënien e ndihmës financiare për mijëra familje palestineze në Gaza, e cila është nën bllokadë izraelite që nga viti 2007, raporton AA.

Njerëzit filluan të mblidhen në pika të ndryshme shpërndarjeje herët në mëngjes për të marrë një grant prej 100 dollarë për familje për muajin shtator.

Sipas kreut të Komitetit të Katarit për Rindërtimin e Gazës, Mohamed al-Emadi, rreth 100.000 familje palestineze në të gjithë Gazën do të marrin ndihmën financiare.

Komiteti ka kryer dhjetëra projekte jetike dhe ofron ndihmë financiare për palestinezët në Gaza që nga viti 2018.

Izraeli lejoi ndihmat e Katarit të hynin në Gaza si pjesë e një marrëveshjeje jozyrtare me OKB-në dhe Hamasin, i cili qeveris enklavën e bllokuar bregdetare.

Sipas OKB-së, rreth 80 për qind e popullsisë së Gazës është e varur nga ndihma humanitare.