Juventusi po përgatit ofertën zyrtare për Zaniolon

Juventusi po përgatit ofertën zyrtare për Zaniolon
Roma's Nicolo Zaniolo celebrates after he scored his side's second goal during a Serie A soccer match between Roma and AC Milan, at Rome's Olympic Stadium, Sunday, Oct. 27, 2019. (AP Photo/Andrew Medichini)

Juventusi është duke e kërkuar me ngulm Nicolo Zaniolon.

Gazetari, Nicolo Schira, ka bërë të ditur se klubi nga Torino është duke përgatitur ofertën zyrtare për t’ia dërguar Romës.

Roma besohet se po kërkon 50 milionë euro për shitjen e 23-vjeçarit.

Schira më herët ka raportuar se Zaniolo ka arritur marrëveshje personale me Juventusin për një kontratë pesë-vjeçare.

Gjithashtu, lojtari ka rënë dakord edhe për pagën e ofruar, e cila thuhet se është prej 4 milionë eurove në vit.

Klubi nga kryeqyteti italian gjithashtu thuhet se është i hapur edhe për të pranuar huazimin e Zaniolos te Juventusi për një sezon, por me detyrim blerjeje në vitin e ardhshëm./GE