Japoni, rritet në 17 numri i të vdekurve nga reshjet e dendura të borës

Japoni, rritet në 17 numri i të vdekurve nga reshjet e dendura të borës

Numri i personave që humbën jetën në fatkeqësitë dhe aksidentet e shkaktuara nga reshjet e dendura të borës në pjesë të ndryshme të Japonisë është rritur në 17, transmeton Anadolu Agency (AA).

Sipas televizionit shtetëror NHK, reshjet e borës kanë prekur provincat veriore dhe perëndimore të vendit që nga mesi i dhjetorit.

Sipas deklaratës së Agjencisë për Menaxhimin e Zjarrit dhe Fatkeqësive (Shobocho), numri i të vdekurve në fatkeqësitë dhe aksidentet e shkaktuara nga reshjet e dendura të borës është rritur në 17 dhe numri i të lënduarve në 93.

Agjencia Meteorologjike e Japonisë (JMA) njoftoi se trashësia e borës në shumë rajone në provincat verilindore të vendit është 3 herë më e lartë se normalja sezonale.

Sipas lajmeve në shtypin kombëtar, për shkak të reshjeve të dendura të borës ka ndërprerje në shërbimet ajrore dhe hekurudhore.