` . Ibra: Nuk jam lojtar për Europa League, do jetë e vështirë të qëndroj te Milani! - TV SHENJA

Ibra: Nuk jam lojtar për Europa League, do jetë e vështirë të qëndroj te Milani!

Zlatan Ibrahimovic nuk është unik vetëm në fushën e lojës por edhe jashtë saj. Bomberi suedez shquhet për deklaratat e tij të drejtëpërdrejta dhe pa asnjë lloj kompleksi. Të njëjtën gjë ka bërë edhe sëfundmi kur në një intervistë ka dhënë mendimin e tij për trajnerin e ardhshëm të Milanit Ralf Rangnick si dhe për të ardhmen e tij, duke theksuar se ai nuk është futbollist për të luajtur në Europa League!

“Ralf Rangnick? As që jam kam idenë se kush është, nuk e njoh. Ibra luan për të fituar, përndryshe qëndron në shtëpi. Unë nuk jam një futbollist për të luajtur në Europa League, as Milani nuk është një klub për të garuar në këtë kompeticion.

E ardhmja? Është e nevojshme një përballje me Ivan Gazidis . Por, nëse gjërat vazhdojnë të jenë kështu siç janë dhe nuk ndryshojnë, do të jetë shumë e vështirë për të qëndruar te Milani“, deklaron sulmuesi nordik.