Greva e punëtorëve ndalon gjysmën e fluturimeve për dhe nga Franca të premten

Greva e punëtorëve ndalon gjysmën e fluturimeve për dhe nga Franca të premten

Një grevë franceze e kontrollit të trafikut ajror mund të anulojë gjysmën e të gjitha fluturimeve drejt dhe nga Franca të premten.

Autoriteti i aviacionit të Francës, DGAC ka paralajmëruar për ndërprerje “të rënda”, duke u kërkuar linjave ajrore të përgjysmojnë oraret e tyre përpara largimit dhe duke u kërkuar pasagjerëve të shtyjnë udhëtimet.

Greva, e cila do të zgjasë nga ora 06:00 e së premtes së 16 shtatorit deri në 06:00 të mëngjesit të së shtunës më 17 shtator, mund të pezullojë gjithashtu fluturimet evropiane që kalojnë mbi hapësirën ajrore franceze.

“Duhet të priten anulime fluturimesh dhe vonesa të konsiderueshme. Udhëtarët që munden, ftohen të shtyjnë udhëtimet e tyre”, tha DGAC në një deklaratë.

Sindikata Franceze Syndicat National des Contrôleurs du Trafic Aérien (SNCTA), sindikata kryesore e vendit për kontrollorët e trafikut – thirri grevën për pagat dhe kushtet e punës.

Në një deklaratë, sindikata tha se inflacioni po gërryen pagat e punëtorëve, duke bërë thirrje për rritje të pagave dhe më shumë rekrutim.