Google konfirmon se do të ndalojë mbështetjen për aplikacionet 32 bitësh

Google konfirmon se do të ndalojë mbështetjen për aplikacionet 32 bitësh

Google ka konfirmuar se do të ndalojë mbështetjen për aplikacionet Android 32-bit, derisa ka vendosur edhe një afat të fundit për zhvilluesit për t’u siguruar që aplikacionet e tyre përmbushin kërkesat prej 64 bit.

“CPU-të (procesorët) 64 bit ofrojnë shpejtësi më të madhe për përdoruesit. Duke shtuar versionin 64 bit në aplikacionin tuaj përmirëson performancën, hap rrugën për zbulimet e ardhshme, dhe ju mundëson pajisjet harduerike me 64 bit”, thotë Google, transmeton Koha.net.

Afati i fundit që ka caktuar Google është 1 gushti 2019, dhe pas kësaj të gjitha aplikacionet e reja dhe përditësimet që përfshijnë kodin bazë kërkohet që ofrojnë versionin 64 bit, krahas versioneve 32 bitësh.

Nga gushti i vitit 2021 Google Play do të ndalojë shërbimin për aplikacionet që s’kanë versionin 64 bit.