Gjermani, rriten mbi 33 për qind çmimet e prodhimit të produkteve bujqësore në korrik

Gjermani, rriten mbi 33 për qind çmimet e prodhimit të produkteve bujqësore në korrik

Enti Federal i Statistikave të Gjermanisë (Destatis) publikoi rezultatet Agri-PPI për muajin korrik, transmeton AA.

Sipas kësaj indeksi i çmimeve të prodhimeve të produkteve bujqësore në Gjermani u rrit me 33,4 për qind në korrik krahasuar me të njëjtën periudhë të një viti më parë. Indeksi ra me 0,9 për qind në bazë mujore.

Në deklaratën e Destatis, duke u kujtuar se rritja vjetore e bujqësisë ishte 33,9 për qind në qershor, thuhet se çmimet e produkteve bimore janë rritur me 25,8 për qind në vit në korrik, më pak se ai i produkteve shtazore. Çmimet e produkteve shtazore gjithashtu u rritën me 38,8 për qind nga viti i kaluar në korrik.

Në deklaratë theksohet se arsyeja kryesore e rritjes së çmimeve të produkteve bimore në korrik ka qenë rritja e çmimit të drithit dhe se çmimet e drithit kanë qenë 53,2 për qind më të larta në korrik 2022 krahasuar me të njëjtin muaj vitin e kaluar.

Ndërkohë që çmimi i patateve ka një rritje vjetore prej 33,1 për qind, në korrik çmimet e domateve janë ulur me 29 për qind.

Ndërkohë që kostot e larta të energjisë dhe ushqimit rritën çmimet e produkteve shtazore, bie në sy se çmimet e qumështit ishin 51,7 për qind më të shtrenjta dhe çmimet e pulave 42,4 për qind më të shtrenjta në korrik krahasuar me korrikun 2021.

Nga ana tjetër, krahas energjisë, rritja e çmimeve të ushqimeve është një nga nxitësit më të mëdhenj të inflacionit në Gjermani. Çmimet e ushqimeve u rritën me 16,6 për qind në gusht krahasuar me një vit më parë. Kjo e shtyu normën vjetore të inflacionit të vendit në 7,9 për qind në gusht.