Dhjetëra të moshuar nga Kumanova, janë mashtruar nga shitësit e rrejshëm të druve për ngrohje

Dhjetëra të moshuar nga Kumanova, janë mashtruar nga shitësit e rrejshëm të druve për ngrohje

Policia e Kumanovës ka evidentuar dhjetë raporte për mashtrime në blerjen e druve të zjarrit që nga fillimi i vitit, njoftoi sot Sektori për Punë të Brendshme – Kumanovë.

Mashtrimi i fundit ka qenë para disa ditësh kur një grua shtatëdhjetë e pesë vjeçare nga Kumanova ka raportuar se e kanë mashtruar duke i marrë 10.000 denarë për të siguruar dru zjarri.

“Mënyra e mashtrimit kryhet nga autorët duke ardhur nëpër shtëpitë e të moshuarve, duke i mashtruar dhe duke u paraqitur në mënyrë të rreme faktet se po shesin dru zjarri, duke i shtyrë ata të paguajnë drutë me pretekstin se kamioni me dru është aty pranë dhe se do t’u sillet drutë, i marrin të hollat dhe ikin”, sqaron policia.
SPB Kumanovë njofton se në vazhdimësi ndërmerr masa parandaluese dhe apelojnë qytetarët që të jenë të kujdesshëm, veçanërisht të moshuarit kur persona të panjohur u ofrojnë dru zjarri me çmim më të ulët se çmimi i shitjes, të mos bien në mashtrime në të cilat ofrohen shërbime në mënyrë të rreme dhe të raportojnë të gjitha rastet e dyshimta në numrin 192.