“Bombat në shkolla”, Shkupi përjeton skenarin e Sarajevës dhe Beogradit

“Bombat në shkolla”, Shkupi përjeton skenarin e Sarajevës dhe Beogradit

Dekani i Fakultetit të Sigurisë në Shkup, Nikolla Dujovski, tha se qëllimi i denoncimeve të rrejshme për bomba në shkollat e mesme është të krijohet panik dhe frikë në mesin e popullatës dhe rastësisht zgjidhen shkollat.  Ai thotë se ky trend ka filluar para disa muajve në Serbi, më pas edhe në Bosnje.

“Ky trend ka nisur disa muaj më parë, fillimisht në Serbi, Beograd, Novi Sad, pastaj Sarajevë. Këtu është tani edhe te ne. Po, është pjesë e kërcënimeve që për momentin mbeten vetëm në fazën e mesazheve të dërguara gabimisht, por policia ka përgjegjësi dhe është mirë që vepron në atë mënyrë”.

“Fëmijët, mësuesit dhe të gjithë të pranishmit në shkolla duhet të evakuohen menjëherë dhe të dërgohen në siguri dhe policia të hetojë çdo raportim për bombë ose ndonjë kërcënim”.

Synimet e personave që dërgojnë këto mesazhe, thekson dekani i Fakultetit të Sigurisë, për të shkaktuar frikë dhe panik te popullata janë më se evidente.